شاطئ مرسى مطروح.. أجمل شواطئ هتستمتع بيها في الصيف
شاطئ مرسى مطروح.. أجمل شواطئ هتستمتع بيها في الصيف
خلّيني أقولك قبل أي كلام إنك فاتك نص عمرك!!
فلو فاكر إن مطروح هي مجرد زحمة وسط البلد والشواطئ المستهلكة تبقى لسه مشفتش مالديف مصر الحقيقية… فالسر كله في اختيار شاطئ مرسى مطروح الصح.
لكن ما تقلقش لأن انهارده أنا هاخدك في جولة في أشهر الشواطئ وهاعرفك على طرق وأماكن جديدة هتغير فكرتك عن المصيف.
ليه تروح من الأساس؟ .. سر سحر وجاذبية شواطئ مطروح!
قبل أي حاجة أوعي تقول زي الناس اللي دايمًا بتسأل:
إيه اللي يخليني أسيب أي مصيف تاني وأختار شاطئ مرسى مطروح بالتحديد؟
لأن إجابتي عليك هاتتلخص في شوية الحاجات دي:
- المية هناك مش مجرد زرقاء دي ميكس بين الفيروزي، التيركواز، والأزرق الداكن بسبب طبيعة الرملة البيضاء وعمق البحر المتفاوت.
- معظم شواطئ المدينة محمية بمصدات صخرية طبيعية وده بيخليها مناسبة للسباحة الآمنة للأطفال والكبار.
- الرملة هناك مش بتسخن جامد مع الشمس وناعمة جدًا لدرجة تخليك تمشي حافي ومستمتع بطاقة المكان.
- الجو هناك بالليل ساحر بمعنى الكلمة بفضل نسمة مطروح ونسبة الرطوبة القليلة مقارنة بأي مصيف تاني.
- هتسهر قدام البحر وتتنفس براحتك من غير خنقة ولا حر ولا عرق.
- هتلاقي شواطئ واسعة تديك إحساس بالخصوصية التامة وكأن البحر ده معمول عشانك أنت لوحدك.
ها .. مستني إجابة تقنعك غير كده؟ .. طيب تعالى أزود إقتناعك أكتر وأعرفك على…
أفضل 5 خيارات عند اختيار شاطئ مرسى مطروح للزيارة!
وهنا وعلشان تعمل توازن صح في رحلتك وتنبسط لازم تقسم أيامك وتجرب أكتر من شاطئ مرسى مطروح لأن كل واحد له شخصية وجو مختلف:
1. شاطئ الغرام
ده مش مجرد شاطئ مرسى مطروح عادي ده تاريخ مرتبط بفيلم ليلى مراد وصخرتها الشهيرة… الشاطئ مناسب جدًا للتصوير وألوان المية فيه صافية زي الكريستال ويناسب الشباب والبنات اللي بيحبوا الهدوء والاستجمام أو الهاني مون.
2. شاطئ عجيبة
لما تروح هناك هتحس إنك برة مصر تمامًا… الهضاب الصخرية العالية اللي بتطل على البحر بتديك مشهد بانورامي يخطف العين فهو شاطئ للمشاهدة والتصوير أكتر منه للسباحة بسبب الصخور بس زيارته فرض على أي مصيف.
3. شاطئ الأبيض
لو بتدور على أنقى رملة بيضاء وأوسع امتداد للبحر يبقى الأُبيض هو الاختيار واللي يعتبر من أجمل الشواطئ من حيث نقاء المية وفيه خدمات ممتازة وكافيهات تناسب العائلات والشباب.
4. شاطئ روميل
الشاطئ ده عبارة عن لسان جوة المية ومفيش فيه أمواج نهائي وكأنك واقف في حمام سباحة عملاق ويعتبر أفضل شاطئ مرسى مطروح للأسر اللي معاها أطفال صغيرة وعايزين أمان تام ولعب في المية بدون قلق.
5. شاطئ كليوباترا
مشهور بالتكوين الصخري المغلق اللي المية بتدخله وتطلع منه كأنه جاكوزي طبيعي غير إن المكان فيه ممشى زجاجي جديد بيخليك تشوف البحر من فوق وهو أنسب شاطئ مرسى مطروح لعشاق الاستكشاف والتاريخ.
بس استنى هنا.. النزول في الجمال ده ومحاولة الاستمتاع بكل شاطئ من دول محتاج برضه تريكات تضمن إن يومك يمشي من غير أي نكد ومفيش حاجة تفصلك عن الروقان ده.
نصائح مهمة قبل ما تنزل أي شاطئ في مرسى مطروح!
فـ عشان تقضي يومك صح ومفيش حاجة تضايقك اعرف الأسرار دي وخليها في بالك دايماً:
- مواعيد النزول الصح:
النزول من الساعة 7 الصبح لحد 11 الظهر بيديك أنقى مية وأهدى جو قبل الزحمة والشمس.
- الفصال في الشماسي:
لما تروح أي شاطئ مرسى مطروح عام دايماً فاصِل في سعر الشماسي والكراسي وخاصةً لو أنتوا مجموعة كبيرة أو هتقعدوا كذا يوم.
- الالتزام بالتعليمات:
شواطئ مطروح المفتوحة زي الأبيض وعجيبة أوقات بيكون فيها سحب أو أمواج عالية فـ ركز مع راية الشاطئ مثلاً الراية الحمراء تعني ممنوع النزول.
- تجهيز السناك والمية:
بعض الشواطئ البعيدة بتكون أسعار الخدمات فيها سياحية شوية فـ خلي معاك معاك شنطة فيها مية ساقعة وتسالي خفيفة ليومك.
ودلوقتي ومع كل الخيارات دي تعالى أساعدك أكتر.
إزاي تختار شاطئ مرسى مطروح المناسب ليك بدون حيرة؟
الموضوع كله بيعتمد على الجروب اللي معاك وهدفك من اليوم؛ تظبيط الرحلة بيحتاج ذكاء في الاختيار:
- لو معاك أطفال وعيلة خليك في الشواطئ المقفولة والمحمية زي روميل.
- لو شباب أو بنات وبتدوروا على الألعاب المائية فا شاطئ مطروح العام أو الأبيض هما الأفضل لأن فيهم.
- لو بتدور على العزلة والروقان ابعد عن وسط البلد واطلع على الشواطئ البعيدة زي شاطئ أم الرَخَم هناك هتلاقي أهدى شاطئ مرسى مطروح ممكن تسترخي فيه.
فيه بقا شوية حاجات وأسئلة أكيد بتور في بالك دلوقتي وعلشان أنا عايز ليك مصيف ماتشغلش بالك فيه بحاجة هجاوبك على كل الأسئلة دي.
إيه هو أحسن شاطئ في مرسى مطروح للأطفال والسباحة الآمنة؟
يعتبر شاطئ روميل وشاطئ الليدو هما أفضل الاختيارات للأطفال لأن الأمواج فيهم منعدمة تماماً والمية ضحلة ومحمية بطبيعتها الجغرافية وده يضمن أمان كامل للصغار أثناء اللعب.
إزاي أروح شاطئ أم الرخم من وسط البلد؟
ذكرنا الشاطئ ده وإحنا بنتكلم خليني بقا أقولك إن شاطئ أم الرخم بيبعد حوالي 23 كم عن وسط المدينة وتقدر تروحله بسهولة عن طريق ركوب ميكروباص المتجه للشواطئ زي الأبيض أو عجيبة من الموقف الرئيسي في وسط البلد بتكلفة بسيطة أو بتاكسي خاص لو بتدور على الراحة وسرعة الوصول وهتقضي حوالي 25 إلى 35 دقيقة.
الخاتمة:
ومع كل التفاصيل والتريكات دي نقدر نقول إن مصيف مطروح ملوش بديل وجاذبيته مستحيل تلاقيها في مكان تاني واختيارك الذكي لكل شاطئ مرسى مطروح هتروحه هو اللي هيصنع الذكريات الحقيقية في إجازتك.
سواء كنت بتدور على لقطة تصوير تذكارية في عجيبة أو غطسة روقان وعزلة في أم الرخم أو أمان وفرحة لعيلتك في روميل. متخليش الصيف ده يفوتك من غير ما تعيش تجربة الروقان دي بنفسك وسط المية الفيروزي اللي ه تنسيك هموم الدنيا كلها.
جاهز بقى تاخد غطستك الجاية؟ .. احجز دلوقتي رحلتك بورتو مطروح من خلال الرقم 01110263336.
